آلما یولو که‌سیلمه‌ز!

آلمایولو دوشه‌رگه‌سی - 1385

آلما یولونا ایکی آدیز*دن گئتمگ‌ولاردی. بیرینجیسینی 4 آی اؤنجه باغلادیلار. اصلی آدیزی ده باغلاندی. سایین بایات به‌ی وئبلاگین داها گونجه‌للةنمه‌یه‌جه‌ییندن دانیشیر.

اؤزومو قویورام بایات به‌یین یئرینه. نه بیر قانونسوز سؤز یازیب، نه بیر حقیقی/حوقوقی کیمسه‌یه ایهانت ائدیب یا بؤهتان آتیب. اؤزو دئدیگی کیمی اوخوجولارین آشیری کامئنتلرینی ده سیلیب. 5 ایل بو یؤنده‌مله یازیب، بوتون قانونلارا دا اویماغا چالیشیب سونوندا دا آغالار بئله ائله‌ییبلر.

ایره‌لیده نئچه یول وار:

1. یازماغا و یؤنده‌مه داوام(بو آدیزده)
2. یازماغا و یؤنده‌مه داوام(باشقا آدیزده)
3. یازماغا داوام و یؤنده‌می بیر آز ده‌ییشدیرمه‌ک(باشقا آدیزده و یئنیدن باغلانماماق اوچون)
4. منیم اؤنه‌ریم: یازماغا و یؤنده‌مه داوام(وئبلاگ اولاراق دئییل). شئعرلرین یئری یاخشیدیر، مقاله، بوجاق یازیلاری(کؤشه یازیلاری) وتحلیللری اعتیبارلی سایتلارا گؤنده‌ر‌مه‌ک و اوره‌ک سؤزلرینی، مینیماللاری، پایلاشیلمالی قایناقلاری، زارافاتلاری، مئساژلاری و ... دونیانین بللی-باشلی گوجلو و web 2.0 سایتلاریندا یازماق. اؤرنه‌کلر:

www.facebook.com
www.google.com/reader
www.delicious.com
www.friendfeed.com
www.scribd.com

اونوتمایاق کی مئدیا(رسانه) اؤزوموزوک و بیر وئبلاگی باغلاماق ایله سسلری بوغماق اولماز. داها قیسساسی: آلما یولو که‌سیلمه‌ز!**
---------------------------------------------------

*: آدیز سؤزجوگونو آدرئس سؤزجوگو یئرینه اؤنه‌ریره‌م. آد و ایز سؤزجوکلرینین بیرلشمه‌سیندن اولوشور. کور.دلر بونا بنزر «ناونیشان» سؤزجوگونو دوزلتمیش(ناو=نام و نیشان=نشان).

**: ایستیقلال ساواشلارینین مشهور «چاناق‌قالا گئچیلمه‌ز» "!Çanakkale geçilmez" ساوینا بنزتمه.