اورمو گؤلو آرادان گئدیر و آغالار اؤزلرینی گؤرمه‌مزلیگه وورورلار. بو ائله چوخ اینجیتمیر آدامی. آخی 80-90 ایلدیر آلیشمیشیق بو دوروما.
تورک آیدینلار اورمو گؤلونو قورتارماق اوچون آغلاما کامپانیاسی باشلاییر. تورکلردن باشقا هئچ کیمسه قوشولمور. بو دا ائله چوخ اینجیتمیر. بونا دا آلیشمیشیق.
خزرین سویونو چکیب گتیره‌جکلر سیمنان-دامغان چؤلونه! شوخلوق ائله‌میرم، اینانمیرسیز باخین بورالارا: 1، 2، 3، 4. بیزیم چاغداش تاریخیمیزین پارلاق نوقطالاریندان بیری بودور کی مملکتین بوتون وارلیغی بلیرلی یئرلره گئده‌ر. اؤنجه‌لر کرمان-سیرجان-رفسنجان ایدی، سونرالار شیفت ائله‌دی یزد-نایین-اردستان-اردکانا، ایندی ده سیمنان ،دامغان، (قیشلاق)گرمسار-آرا‌دان‌ین نووبه‌سیدیر.
فقط بیزیمکیلر ایش باشیندا اولاندا یئنه ده بیزلره نووبه یئتیشمیر. آغالارا ائعتیراض ائدنده ده دئییرلر: «من ایرانین [باش]باخانییام، آزربایجانین دئییل»(بو سؤز هم میرحوسئینه منسوبدور هم آغازاده‌یه). بو دا ائله اینجیتمیر. گؤنوموز چوخ قالیندیر، آلیشمیشیق.
نه اینجیدیر بیلیرسیز؟ گؤز یاشی ایله، بورون فیرتیغی ایله میللت وکیلی سئچیب گؤندرمیشیک مجلیسه، بیر دوره-جناب دوروب آدام کیمین ائعتیراض ائله‌میر.
آغلاما کامپانیاسی هله‌لیک هر شئیدن داها تأثیرلی گؤرونور:
گلین گئده‌ک آغلایاق، اورمو گؤلون دولدوراق
هیچ نظری موجود نیست:
ارسال یک نظر