یوخاری آزربایجاندان ایرانا گیریش اوچون ویزا قالدیریلیب، بیلمیریم بیلیرسیز یا یوخ. بونون سونوجو اولاراق یوخاری آزربایجاندان آشاغییا، چوخلو قوناق گلیر بو گونله‌رده.
بو عزیز قوناقلارین هامیسی گئدیب تبریزین باهالی هوتئلله‌رینده و یا نه وئریم* موسافیرخانالاریندا قالمیر. چوخلاری قووم-اقربا ویا دوست-تانیشین ائوینده قالیر، بعضی ائو صاحیبلری ده اؤز ائولرینین اوتاقلارینی کیرایا وئریرلر. ایندی پیشیک گیریب آغالارین تومانینا** کی بیزیم کونترولوموز آلتیندا اولمایان یئرله‌ره قوناق گئتمه‌سین. چونکو بو قوناقلار شریعه‌ت و قانونا قارشی ایشله‌ر گؤرورلر!
خبرین بیرینجی بؤلومونده ده دئییر قوزئیلی سویداشلاری تویدا-قوناقلیقدا اوخوتمایین!(رئيس پليس گذرنامه و مهاجرت اتباع خارجي آذربايجان شرقي گفت: دعوت از خوانندگان كشور آذربايجان براي مراسم‌هاي جشن و عروسي غيرقانوني است/حضور و اسكان دادن اتباع خارجي در منازل مردم تبعات جبران‌ناپذير داشته و پيگرد قانوني را به همراه خواهد داشت.)
------------
* نه وئریم: ده‌یه‌رسیز، کئیفییه‌تسیز
** مضمونو فارسجا «آب در خوابگه مورچگان افتادن»ه یاخین اولان بیر دئییم
هیچ نظری موجود نیست:
ارسال یک نظر