بیزیم بیر پیشیگیمیز وار. بیر-ایکی آی اؤنجه آغزی بورنونا کیچیک لکه‌لر توشموشدو، اوزونه ده بیر-ایکی دنه بالاجا چؤوزه(کیچیک یارا، کیچیک چیبان) چیخمیشدی. آپاردیق ائوجیل حئیوانلار خسته‌خاناسینا خانیم دؤکتور باخدی دئدی قارچدیر. ائله اوردا آپاردیق وود ایشیغی آلتینا گؤردوک یارالار یاشیل فلوئورسانس گؤستدی. خانیم دؤکتور دئدی Microsporum Canisدیر.
بیزیم ده هوشوموز کسمه‌دی دئیه‌‌ک یارادان تئست گؤتورون. پیشیگی گؤتوروب گتیردیک 6 هفته باغلادیق حببه-شامپویا، پیشیک توختادی. سونرا چوخ بیلیجی(البتته کی تورک) بیر دؤکتور ایله تانیش اولدوق. آغا دؤکتور دئدی کاش تئست گؤتوره‌یدیز بلکه هئچ قارچ دئییلمیش.
بیر-ایکی گون اؤنجه یئنه او چؤوزه‌لردن چیخارتدی. دونه‌ن آپاردیق تورک آغا دؤکتوره. یاراسیندان تئست گؤتوردو قرار اولدو بوگون سحر بیزیم خانیم آپارا فاکوپلته‌یه قارچ تئستینه. قارچ تئستی ده ایکی مرحله‌دیر(اینسان-حئیوان فرق ائله‌مز). ائله اوردا توک و درینی 10% پوتاس(KOH) ایله شفافلاشدیریب میکروسکوپ آلتیندا باخارلار. جاوابی دا ائله اورادا دئیه‌رلر آداما. ایکینجی مرحله‌سی بیر-ایکی هفته چکر و اینسان یا حئیواندان آلینان اؤرنه‌گین اکینجیندن عیبارتدیر(Culture).
نه ایسه... آللاها شوکور تئست منفی چیخیب آمما بونلاری نه اوچون یازدیم. لابوراتوواردا سوروشوبلار به پیشیک هانی؟ بیزیم خانیم دا دئییب دؤکتور فیلانی(بیزیم بو بیلیجی تورک دؤکتور) اؤزو اؤرنه‌ک گؤتوروب و اؤرنه‌گی وئریب اونلارا. اونلار دا بتر تعریفله‌ییبلر دئییبلر هیه یامان دؤکتوردو، قابیل دؤکتوردو، ایشی دوزدو فیلان...بیریسی ده بیزیم خانیما دئییب: «دکتر فلانی خیلی وارده... با اون لهجه‌اش...»(!!!؟؟؟) بیزیم خانیم دا دئییب «همشهری منه ها...»
بونو بیزیم خانیم تعریفله‌دی من بیلی‌یوردوموزون دووارلاریندا فارسجا یازیلان ایرقچی شوعارلار یادیما دوشدو... «تورک لوقمان اولسا...»(اینشاللاه ائشیتمه‌ییبسیز). بئله‌دی قارداش... حکیم لوقمان دا اولساق آدام حیسابینا قویمورلار... ایندی من گلیم قارداشلیقدان، یولداشلیقدان دانیشیم؟
یازیلارینیزی سئویرم بی. گونجه دئدییین ایشته بو.
پاسخحذفبونلاری بیلهلرینه دئسک سیز پان مانسیز دئیه‌رلر. راسیزم بونلارین قانلاریندا؛ سوموکلرینین ایلییینه دهک گئچیب.