بیر «ایجباری توفیق» نتیجه‌سینده بیر هفته‌لیک تایلند سفری قیسمت اولدو بیله‌میزه؛ البتته پیس دوشونمه‌یین، ائشیمله بیرلیکده گئتمیشدیک. آخی تایلنده گئتدیگمی ائشیده‌ن یولداشلار منه «زییاره‌ت قبول!» دئدیلر!! نه ایسه، بوتون یولداشلارین یئری بوش ایدی.
بو سفردن منه قالان چوخلو گؤزه‌ل خاطیره و تجروبه قالدی؛ یئری گلدیکده تعریفله‌یه‌جه‌یم، آمما منیم اوچون ان گؤزه‌لی بانکوک'ون SAFARI WORLD و پاتایا'نین تیمساحلار تارلاسی آدلی حئیوانات باغچالاری گزیسی ایدی. اورادا ان بؤیوک آرزیلاریمدان بیریسی اولان قاپلان بالاسی ایله اویناماق گرچکلشدی. بللی بیر مبلغ قارشیسیندا چئشیدلی حئیوانلار، او جومله‌دن قاپلان بالاسی ایله اویناییب عکس سالا بیلیرسینیز. من ده قاپلان بالاسینین بیر عکسینی سیزه سووغات اولاراق سونورام. عکسده گؤردوگونوز سئویملی سوت-امه‌ر قاپلان بالاسی نورمال بیر پیشیک بؤیوکلوکده‌دیر.
هیچ نظری موجود نیست:
ارسال یک نظر