بیزیم دئییم و آتا سؤزلریمیزین عئینی ایله فارس دیلینده ایشله‌دیلمه‌سی او قدر یایغین اولموش کی آدام بونلارین تورکجه‌دن فارسجایا دئییل، فارسجادان بیزه گیرمه‌سیندن شککه دوشور.
بونون بیرینجی ندنی بیزیم دیلین قارشیسینداکی محدودیتلردیر. دیلین رسمی اوماماسی زنگینلیکلرینین ده راحاتجا چالینماسینا ندن اولور.
دونن ناهار چاغی ایران تئلئویزیونونو آچدیم. 5ینجی کانالدا بیر سئریال وار ایدی. دیالوگلارین بیرینده نه دئسه یاخشیدی؟ «مثل اینکه توی دهان بابات لپه خیس نمیشه!». تورکجه‌ده «آغزیندا لپه ایسلانماماق» دئییمی سیر ساخلایا بیلمه‌مک، سیر ساخلاماغی باجارماماق آنلامینا گلیر. بو دئییمی تورکییه‌ده «لپه» ایله دئییل «پاخلا» ایله ağzında bakla ıslanmamak بیچیمینده ایشله‌دیرلر.
بو تورک دئییمینی فارسجادا بیرینجی دفعه اولاراق ائشیدیردیم. آختاردیغیم فارسجا قایناقلاردا دا یوخ. دئمک تورک دئییمی اولماسی کسین. آمما اصل مساله بورادادیر: 5 ایل سونرا فارس دئییمی ایمیش کیمی یایغین اولسا الیمیزدن نه گله‌جک؟!
اینصافن بو بلاگر آدامی قوجالدیر بیر دنه کامئنت قویونجاق!
پاسخحذفبو دئییم‌لر تورک کولتورونون فارس کولتورو اوزه‌رینده بوراخدیغی بؤیوک ائتگی‌لر بلگه‌سی‌دیر.
بلکه ده داها اؤنه‌ملی اولان بیر قونو دا وار. فارسجا دئییم‌لری حئساب کیتاب‌سیز دیلیمیزه سوخماق. بو، ایران تئلئویزیونونون خسته بیر دیلی یایقینلاشدیرماسیندان و ده آنا دیل‌ده اؤیره‌تیم و ائییتیم اولمادیغیندان آسیلی‌دیر.
اؤرنه‌ک اوچون بو دئییم‌لری سیخ سیخ ائشیتمک‌ده‌ییک: الی رو اولماق، زول وورماق، به هم یئمک و ... حال‌بوکی بونلارین تورکجه قارشیلیق‌لاری واردیر.
بیر سیرا دئییم‌لر ده واردیر کی، ایکی دیلی آراسیندا هم لفظ، هم ده آنلام یؤنوندن اوست اوسته دوشورلر. ایکی آیاغینی بیر باشماغا سوخماق، گؤزوم سو ایچمیر و ...