تورکییه‌ده ایسلامچیلار گوجلندیکچه، اسکیدن تورکییه‌یه و بعضن ده تورکلوگه قارشی اود پوسگوره‌ن دولت مئدیاسی دا یوموشالماغا و ائوجیلله‌شمه‌گه باشلاییب. بونون اوچون اؤرنک وئرمک گره‌کمز. آتاتورکه دیشینین دیبیندن چیخانی دئیه‌نلرین تورکییه ائلچیلیگینین اؤنونده‌کی "یاشاسین اردوغان" شوعارلارینین سسی هله ده قولاغیمیزدا زینگیلده‌ییر! بیر-ایکی گون باشلیقلاریندا تورکییه سؤزجوگو گئچن فارسجا خبرلری ایزله‌یین...
بوندان راحاتسیز دئییله‌م. عکسینه بو موثبت خبرلر، ایراندا قیریلمیش تورک غورورونا بیر مرهم اولا بیلر. مساله بوراسیندادیر کی تورکییه حاققیندا یاییلان موثبت خبرلر، داها آرتیق فیلیسطین، ایسلام و آمئریکا و باتی قارشیتلیغی ایله ایلگیلیدیر. بو دا ایراندا سییاسی ایسلام قارشیتی و سییاسی فیلیسطینچیلیک قارشیتی آخیملارا خوش گلمیر. اؤزه‌للیکله یاشیل گنجلر آراسیندا تورکییه و تورک ایماژینین پوزولماسینا و قارالانماسینا یاردیم ائدیر.
خبر آژانسی دا بیرآز آشیری سییاسی ایسلامچی اولوب، بیر آز موبالیغه‌لی یازاندا... دئمه‌یه سؤزو قالمیر آدامین. یازینین اصلی بودور. یازانی دا "ریضا آسلان" آدلی ایران-اصیللی آمئریکالیدیر:
Christian Science Monitor - Turkey: a democratic superpower in the Middle East
Turkey's vote for constitutional reforms last week helped solidify its position as the new superpower of the Middle East and the shining model of what a modern, Muslim-majority democracy can achieve if given the opportunity.
بو دا بیزیم دیللره دستان فارس خبر آژانسیمیزین چئویریسی(آدینی چئویری قویماق اولماز):
يك اس.تاد دانش.گاه عنوان كرد: دستيابي ترك.يه به بالات.رين سطح دموك.راسي در سايه ارز.ش‌هاي اخلا.قي اسلام
خبرگ.زاري فا.رس: استاد دانش.گاه كاليف.رنيا با اشاره به اقدامات دولت اسلا.م‌گر.اي تر.كيه نوشت: حزبي سياسي با اعتقاد و تعهد به ارزش‌هاي اخلاقي اسلام توانسته است تر.كيه را به با.لاتر.ين سطح بلو.غ دمو.كراتيك در طول تاريخ اين كشور برساند.
بئله دامین او تاییندان دوشه‌ن یازیلار بیر طرفدن یاشیللاری تورکییه‌دن بئزدیره‌جه‌ک، سونرالار ایسه ایسلامچیلاری خیال قیریقلیغینا اوغراداجاق؛ چونکو هله‌لیک تورکییه‌نین رادیکال سییاسی ایسلاما دوغرو گئتمه‌سی ائحتیمال دیشیدیر؛ اوزون سؤزون قیسساسی ایش بئله گئتسه بیر گون اردوغان چؤنوب دئیه‌جک: "آلتین اولماق ایسته‌مه‌دیک؛ قویون پاخیرلیغیمیزدا قالاق!"(از طلا گشتن پشیمان گشته ایم، مرحمت فرموده ما را مس نما)
